#شفقة_الزول_البريد ❤
شفقة = الاحساس بالتوتر والقلق
الزول = الشخص
البِريد = الذي يحب
ولما تكون زعلان من زولك
وحالف ما تتصل عليهو او ترسل ليهو
الا يتصل عليك هو بالأول ،
بتكون زعلاااان منو شديد
لكن برضو
بتكون منتظرو ومستني تلفونو ،
بتكون عايز تسمع صوتو اكتر
من كونك عايز تسمع اعتزارو ،
عشان في حته جواك حقتو برااااهو ،
حته كده فيها كوم حنيه
قدر ما تغضب منو بتتلقاك بالمرصاد
و ما بتخليك تقسى وتجور عليهو ♡
المهم مرات بتكون مستني ومستني
وهو بتأخر عليك
قد يكون فعلا اتأخر في الإتصال او مراسلتك حتي لو بمسج
او ممكن يكون ما إتأخر ولا حاجه
بس انت عشان قاااعد
وما بتعمل في حاجه غير
انك ماسك تلفونك ومنتظرو
ومركز مع الموضوع
يعني بالاصح انك تكون ماعندك شغل ولا مشغله غير انك قاعد مستنيهو
وعشان بكون نفسك شديد تسمع اي خبر منو
يكون نفسك تمشي وتجي تفتح تلفونك
تلقى منو مسج يفرحك
مرات تعمل تلفونك صامت
على امل انك تجي تلقى منو رساله تفرحك اكتر
لكن لمن يطوول الموضوع
وبعد نص ساعه
الوضع ببقى ليك اسوأ💔
لما تجي وتشوف تلفونك
وما تلقى اي حااجه
وبغلبك الشوق
وبتتوتر وبتحلف
ما ترسل
فبتقوم #تقفل_تلفونك_منك 😹
على اساس
انك كده ح تقدر تتحكم في مشاعرك
وبالمره كمان تخلي زولك يرسل ومايلاقي رد نظام تغيظو ومده
ويلقى تلفونك قافل
مرات بنزودها حبه والموضوع يطور يصل لمرحله انك تعمليهو بلووك
عشان زولك لمن يجي ويلاقي نفسه مبلك يقلق ويحس بالاسف ويجي يعتذرليك
وانت علي اساس زعلا منو شديد بتلاقي نفسك سامحتو باقل كلمه هههههه وبكل سرعه
😂😂😂😂😂😹😹😹
مرات بنعمل تلفونا صامت
على اساس ما عايزين مع زولنا كلام
بس المشكله اننا بنمشي
كل شويه نتاوق ليهو
^_^ وحتى لو قفلناهو عديييل
على اساس انو ما هامينا شي ،
بنمشي نفتحو برااااحه
وبنتلفت ذي كأننا سارقنو
عشان ما عايزين #روحنا_تشوفنا ^_^
زعلان من زولك
لو هو بالجد زولك ح يجيك راجع
ح يتصل عليك
بس انت خلي عندك شوية صبر
وثقة في ريدو ليك
حتى لو إتأخر شويه
في النهاية برضو ح يجيك
، اديهو فرصه احتمال
يكون ما عايز يجيك قلبو فاضي عايز يملاهو شوق 😊
الحب احساسه واحد فيه. الغيرة والقلق والاحساس بحوجة الاهتمام
الحب رائع لمن نعيشه بكل جنونه وبكل سلامه
ا❤️😊
تصبح علي خير
Sayed
