السلام عليكم ورحمة الله تعالي وبركاتة
كيف اخباركم وعلومكم
اتمني الكل يكونوا بخير وبصحة
.
.
من كم يوم بديت اجهز نفسي لموضوع السفر ومع انه من زمان كنت ساعي في هالموضوع
بس كل شي له وقته المناسب بمشيئة الله
بعد غياب من اهلي دام اكثر من عامين ونص بدأت اخيرا اخطط اني لازم اسافرلهم واروح ازورهم
والمفروض اني اتعودت لاني في فترة الدراسة كمان غبت عنهم حوالي خمسة سنين
بس بصراحه احس انو الفتره اللي عشتها بعيد عنهم وانا هنا في السودان كانت اصعب
وهذا هو الشي المحيرني. مع اني في ديرتي وبين اقاربي بس فعلا حسيت نفسي بغربة
بس غربتي هنا احسها مختلفه عن غربتي لمن كنت طالب في الجامعه
احس زمان لمن كنت في الجامعه كان فيني اتحمل اكثر. ممكن اثناء فترتي في الدراسة لصغر سني
حسيت نفسي كنت بتعلم من الحياة اشياء كثيرة برفقة اصحابي المميزين وهدا الشي اللي خلاني اتشوق اني اعيش واشوف اشياء جديدة
وفعلا شفت فيها اشياء كثيره ههههههههه
بس هنا في السودان حسيت ان الوضع اختلف ممكن بسبب ظروف العمل اللي مو كنت متعود عليها واللي كانت صعبه جدا
وكمان الحياة اللي مو كنت متخيلها بتكون مختلفة لهالدرجة
بصراحه حسيت انه مافي حد في الدنيا فاضي لحد ولا حتي انه يدعمو بكلمة طيبة
اغلب العلاقات هنا مزيفة والهدف منها المصلحة
بعكس اصحابي اللي كنت متعود عليهم وحبيتهم ايامي في الجامعه
(خليك صحبي وساعدني وانا كمان بكون واقف معاك)
علي العموم بخيرها وبشرحها الحمد الله راح افتك منها
انا عن نفسي بصراحه اخدت تجربة واكيد اني راح استفيد منها ان شاء الله
وللاسف تجربتي في السودان خلتني اكون اكثر حرص في تعاملي
مع ان طبيعتي اللي اتعودت عليها هي العفوية والبساطة في التعامل
والمرح والعبط اللي احب اسوية هههههههه
علي العموم هاد مو موضوعنا اليوم
الموضوع ومافيه ياجماعة الخير
هو مالفت نظري وانا بفكر في حالي وانا بجهز وبرتب لموضوع سفري
الشي اللي بيتكرر علي في كل مره انوي فيها للسفر والشعور اللي يجيني دايما في هالموضوع
بعد الانتهاء من ترتيب الاوراق الازمة الخاصة بالسفر والبحث عن حجوزات رحلات الطيران
يبدأ التفكير في مسئلة الحقائب والاشئاء اللي باخذها معاي
ووسط زحة الاشياء اللي موجودة في غرفتي من ملابس واخذية وهدايا وكتب وغيرها
الا اني في كل مره اعزم بالبدأ في ترتيب اغراضي اللي باخذها معاي بس بلاقي نفسي بفكرفي كل قطعه
موجوه عندي ومن كثر ما اجلس افكر فيها الاقي نفسي بمل واجل موعد ترتيب حقائبي لليوم التالي
ويوم ورا يوم الاقي الايام تمر وانا مازلت في نفس المشكله
ماني قادر احدد ايش باخد معاي وايش اللي لازمني.
كل شي امتلكة في غرفتي يذكرني بشي وبيوم وموقف
جميعها زكريات وكل قطعه عندها صورة في خيالي
المصيبه اني ما قررت اني اسافر الا بسبب اني مليت من الحياة هنا
وممكن مليت من ذكريات المكان اللي عشت فيه خلاص اخذت قرار السفر خصيصا لاني مالقيت الشي اللي كنت احلم بيه هنا
لا الاصحاب اللي كنت اتمناهم ولا الوظيف ولا الطموح وتقريبا حتي المستقبل صارت رؤيتة صعبة هنا
اغلب الذكريات مواقف مخذلة صداقات زائفة تجارب قاسية
عشان كدا قررت اسافر ابدي من جديد ويمكن هاد هو بداية طموحي الجديد اللي قررته
او بداية تكوين شخصيتي الراشدة بعد سن 25 سنة صار لازم احدد لنفسي كاريزما معينه وشخصية جادة
لاول مره اكتشف في نفسي مدي تاثير الاشياء اللي امتلكها بحياتي الشخصية
معقولة كل شي عندي صار يذكرني بشئ لدرجة اني لو اردت التخلص من هالذكري صار فيني لازم انخلص من هالشئ
او اني ابالغ قليلا في التعلق ببعض المواقف والذكريات واربطها باغراضي
الي الان تزيد اغراضي ما يسعها في ثلاثة حقائب
ولكن هل كل هذه الاغراض وما تحويها من ذكريات بداخلها تستحق فرصة ثانية في حياتي الجديدة
ولا لازم اتخلص منها واتخلص من هاجس التفكير اللي في راسي بحجة ان الحياة الجديدة يستحق التخلص من اغراضي فعلا
وبعد تفكير كثير قررت كالعادة اني امشي ورا الجنون اللي امشي فيه
جميع الكتب والاحذية والسيديهات حرام هذول مالهم ذنب بشئ عشان كدا قررت باخذهم معاي
بعض الهدايا ومستلزماتي الشخصية والحقائب كمان خليتهم
والابتوب والكاميرة والجي بي اس وماكينة الحلاقة كمان باخذهم معاي حرام مالهم ذنب
ملابسي الخاصة بالمناسبات الرسمية اعتقد كانت تحتوي ذكريات جميلة مناسبات واعياد عشان كدا قررت باخذهم معاي ماسولي شي
المهم صرت بعدها اخذ اي قطعه اي وحدة احدد انها تستاهل تروح معاي او لا بحسب ذكراها معاي
ذكرياتي مع اصحابي ذكرياتي مع الاقارب ذكرياتي في الرحلات حتي ملابسي اللي كنت اروح النادي الرياضي فيها
اخيرا اكتشفت ان كمية الاغراض المستغني عنها حوالي ضعفين الاغراض الباخذهم معاي
ما اقولكم انها كانت تجربة قاسية وذكريات سودة
ممكن تكون هادي طريقة جديدة عشان تتعرفون علي مرحلة في حياتكم وكيف تقدرون تقيموها ان كانت ممتازة او لا هههههه
طبعا جميع ملابسي اللي كنت بداوم فيهم بالشركة تخلص منهم
قلت احسن اتصدق فيهم . بصراحة كرهت الشركة اللي كنت بشتغل فيها
بيئتهم مو كويسة ماغير يتكلمون في بعضهم بالنميمة ومايتركون حد في حالو وكمان الفساد اللي فيهم والعياذ بالله
بصراحه ما اطيق اشوفهم معاي في حياتي الجديدة ان شاء الله بروح اشتري احسن منهم
بس الشي الجميل انك حتي الشئ السلبي الكان معاك وحابب تتخلص منه
تفكر كيف ممكن تكسب من وراه شئ ايجابي
عشان كدا قررت اتصدق فيهم عسي الله يهدينا واياكم الي نور الهدي
ويجعل لنا خير منها باذن الله
ادعولي بالتوفيق وان شاء الله التدوينة الجاية تكون من حياتي الجديدة
ما احب اطول عليكم
وتصبحون علي خير