بداياتي في التدوين كانت غريبة جدا. ممكن عشان كانت في سن مبكر جدا اول ما بديت اكتب وقتها كان عمري 15 سنه
ايام المراهقة تقريبا كانت كل الكتابات عن الحب وكلمات الاغاني وشوية عبط ههههههه بس والله فعلا الواحد كان وقتها بقمة البرائة علي الاقل كان الواحد بيكتب بمجرد ان يحس بالخجل عشان يعبر اللي جواته حتي انو مابيقدر يوصلة للشخص المعني كانت مجرد كلمات تكتبها عشان تتخلص من الاضطراب اللي عايش جواك ان كان حب او زعل او اشتياق او غيره انا بصراحه بحسد نفسي للانسان اللي عشتو في الماضي
تلك الكراسة ذات الغلاف الكرتوني باللون الاحمر ... وفيها خواطر مراهق شارد هههههههه
من المواقف الطريفة اللي حصلتلي معاها لمن اصحابي سرقوها مني في المدرسة وصارو يقرو فيها ويتريقو عليا هههههههه عمري ما انسي هدا اليوم كان يوم فضيحة بالنسبة لي هههههههه بس مهما حصل كنت دايما بحس انو في رابط بيني وبين الكتابة في اشياء اقدر افهمها والمسها جواتي في طريقة للتخلص من التعابير المحبوسة داخلي كانت عندي هاديك العقدة ان مو لازم اي واحد يعرف ايش اللي بيحصلي بصراحه ماكان عندي حد يكتشفني او يخت بالو علي كنت بشكل او باخر بحب الكتابة وحتي في المدرسة كنت بكون المشرف الثقافي للفعاليات اللي بتكون في المركز الصيفي حتي مشاركاتي في الاذاعه المدرسية كانت كتيرة ...
بس الشي الجميل في التدون ان عمرها الكتابه مابتكذب ... بالذات لمن تكون تدويناتك شخصية عبارة عن لحظات واوقات ومواقف واحاسيس عشتها تكتبها وكانك بتحيها لنفسك زي كانك تكون جالس سرحان بينك وبين نفسك وتتزكر هاديك المواقف والمقالب المضحكة واللحظات الجميلة وغيرها
بس أول مرة عرفتُ بالتدوين الالكتروني كان في عام 2009 رُبما في نهايته كنت بتصفح علي الانترنت وبالصدفة عرفت البلوجر من احدي المدونات وعرفت يعني ايه بلوجر واتعرفت علي مدونات كتيرة عجبتني الفكره وكيف ان كل مدونة ممكن تكون مختلفة في ناس تكتب خواطرها وفي اللي بيكتبها علي شكل قصص وحكايات قصيرة وفي اللي بناقشها وغيرها كتييير .
بس عني انا بصراحة وقتها كان هدفي اني احفظ تفاصيل حياتي لاطول فترة ممكنة واسيبها محفوظة ممكن يكون السبب لاني من الناس اللي يقدرو الحياة او ممكن يكون هو الخوف!!
حبيت اني اكون حي بكتاباتي دايما وان الناس تقري عني شي صادق حبيت انو الناس يتزكروني ويسمعو صوتي لمن يقرو كتاباتي اهلي اصحابي وكل الناس البتحبني كتير من الناس بعيشو حياتهم مليانه بالتفاصيل والمشاركات مع الناس الحولينهم بس بعد ما يروحو او يموتوا
الناس بتنساهم الانسان دايما ما تخونة الذاكرة بالذات في العصر اللي نحن عايشين فيه وصعوبة الحياة تلقي الواحد يادوب يلحق يفكر بحالو . بس كدا وكدا خيانة الذاكرة موجوده في الانسان يعني ممكن مثلا تكون صادق مع حد في كتابتك وهو في نفس الوقت يكون خاين ليك في القراءة !!!
ممكن تحبو في الكتابة بس هو من الجانب الاخر والمكان اللي بيقري فيه يكون مش بحبك للاسف.
في بدايات مراحلي مع التدوين كنت بتخيل اني مجرد ما اكتب شي معناتو اني قدرت اتخلص منو ... ممكن كان تفكيري كدا وقتها بسبب الحزن الكان جواتي ... واكتشفت ان كل مابكتب حاجة بعيش تفاصيل لحظتها بمجرد اني اقراها تاني ..
بعدها بديت اكتب متخيل ان الصفحه الالكترونية هي اوفي صديق ممكن احكي معاه.... واحلي شي لمن تلقي رد او تعليقات تجيك علي الايميل تحس انو مافي حد مكلف انو يجاملك او يكذب عليك وقتها عنجد تحس بوفاء وصدق هدا الصديق .....
بس بعدها عندي صديق عرف اني بفكر هيك وزعل مني كتير قالي انت ليه حابس نفسك ممكن تحكيلي انا وانا بسمعك وفعلا صار من اكثر الاصدقاء لي الي الان ... فعلا كان معاه حق وقتها كنت شوية منعزل واكتشفت ان احسن طريقة تفضقض بيها او تحكيها هو انك تحكيها لصاحبك اللي تثق فيه اكتر من انك تكتبها
وفي الاخير بديت اكتب بس عشان احفظ حياتي ... كاني بجمع البوم صور بتواريخ لمواقف وظروف ولحظات عشتها حتي انو ماعندي اسم للمدونة مسميها باسمي . في كتير من المدونين بعطي مدوناتهم اسماء بس انا بشوف اني مجرد ما سميتها راح اكون حصرتها في احساس او شي معين .
عشان كدا سميتها سيد شلبي ....
سيد اللي ممكن يفرح يزعل يضايق يفضفض كل حاجه حتي لمن احكي عن طفولتي او ايامي في المدرسة ومغامراتي مع اصحابي في الجامعه وغيرها
عشان كدا انا بعتقد انو مدونتي هي البوم صوري الحقيقي اللي انا عايشو من جوا ومصور زاكرتي ومصور خيالي وطموحاتي وغيرها ....
0 التعليقات:
إرسال تعليق